Бұрынғы спорт вице-министрі Ерлан Қожағапанов мерзімінен бұрын бостандыққа шықты

Бұрынғы Мәдениет және спорт вице-министрі Ерлан Қожағапанов бостандыққа шықты. Бұл ақпаратты KAZ.NUR.KZ тілшісіне Қазақстан ІІМ Қылмыстық-атқару жүйесі комитетінің (ҚАЖК) баспасөз қызметі растады.

Qumash.kz желілік басылымы 2025 жылы сотталған Қазақстанның бұрынғы мәдениет және спорт вице-министрі Ерлан Қожағапанов бостандыққа шыққаны туралы ақпаратты жария етті.

ҚАЖК баспасөз қызметі KAZ.NUR.KZ тілшісіне бұл ақпаратты растап, экс-шенеуніктің осы уақытқа дейін жазасын қылмыстық-атқару жүйесі мекемесінде өтеп келгенін нақтылады.

"Сот шешіміне сәйкес, бас бостандығынан айыру жазасының өтелмеген бөлігі неғұрлым жеңіл жаза түріне, яғни айыппұлға ауыстырылды.

Сондай-ақ жазаны жеңілдету, мерзімінен бұрын шартты түрде босату және үкімді орындауға қатысты басқа да мәселелерді қарау мен шешім қабылдау тек сот органдарының құзыретіне кіретінін атап өткіміз келеді", — делінген ресми сауалға берілген жауапта.

Ерлан Қожағапановтың ісі: хронология

• 2024 жылғы наурыз: ауыр сыбайлас жемқорлық қылмысын жасады деген күдікпен бұрынғы вице-министрдің ұсталғаны белгілі болды.
• 2024 жылғы шілде: сыбайлас жемқорлыққа қарсы іс-қимыл агенттігі тергеудің аяқталғанын мәлімдеді. Іс бойынша экс-шенеунікпен бірге мердігер ұйымның басшылары да айыпталды. Оларға қызметтік өкілеттігін асыра пайдаланды және бюджет қаражатын жымқырды деген айып тағылып, мемлекетке келген шығын көлемі 1 миллиард теңгеден асқаны хабарланды.
• 2025 жылғы мамыр: Астана соты Ерлан Қожағапановты кінәлі деп танып, 3 жылға бас бостандығынан айыруға үкім шығарды.
• 2025 жылғы қыркүйек: апелляциялық инстанция сот үкімін өзгеріссіз қалдырып, жаза мерзімі өзгеріссіз қалды.

Мәтіннен қате тапсаңыз, бізге жазыңыз