Шымкентте футбол жанкүйелері арасында жаппай төбелес болды (видео)
Жарияланған күні:
Шымкентте "Ордабасы" мен "Ақтөбе" футбол командаларының жанкүйерлері төбелесіп қалды. Оқиға орнына барған полиция 20 адамды ұстап әкеткен, деп жазады KAZ.NUR.KZ тілшісі.
Бүгін әлеуметтік желілерде топ-тобымен жанжалдасқан ер адамдардың видеосы тарады. Анықталғандай, жұдырықтасқандар футбол командаларының жанкүйерлері болып шыққан.
Шымкент қалалық полиция департаментінің мәліметінше, тәртіпсіздік жасаған 20 адам ұсталған.
"Еңбекші АПБ-на 102 арнасы арқылы Уәлиханов көшесіндегі "Прага" кафесінің жанында ер адамдар төбелесіп жатқаны туралы хабарлама келіп түсті. Оқиға орнына дереу патрульдік полиция қызметкерлері мен жедел-тергеу тобы барды.
Белгілі болғандай, "Ордабасы" мен "Ақтөбе" футбол командаларының жанкүйерлері арасында келіспеушілік орын алған. Қазіргі таңда полиция басқармасына 20 адам жеткізілді. Тәртіп сақшылары оқиғаның барлық мән-жайын анықтауда", - деп хабарлайды Шымкент қалалық полиция департаменті.
Автор: Жанар Пердешқызы
Назар аударыңыз! Видеода бейәдеп сөздер бар!
- Күкірт пен түтінге уланған атыраулықтар таза ауа үшін митингке шықты (фото, видео)
- Шымкентте жүргізушісі жоқ автобус қаққан бесінші адам көз жұмды
Мәтіннен қате тапсаңыз,бізге жазыңыз
Оригинал статьи: https://kaz.nur.kz/society/2016058-20-adam-ustaldy-symkentte-futbol-zankuieleri-arasynda-zappai-tobeles-boldy/
