Қазақстандық боксшы Қанат Ислам (27-0, 21 КО) АҚШ-тың Флорида штатындағы Майамиде өткен бокс кешінде қарсыласын нокаутпен жеңді деп хабарлайды KAZ.NUR.KZ.
Алғашқыда Қанат Ислам ганалық Ободаи Саимен (35-3-1, 26 КО) жұдырықтасуы тиіс болған еді. Бірақ, белгісіз себептермен африкалық боксшының жекпе-жекке қатыспайтыны анықталып, оның орнына эквадорлық Джейсон Миндамен (14-3-1, 8 КО) шаршы алаңға шығатыны белгілі болған.
КОТV платформасында тікелей эфирден көрсетілген кездесу 10 раундқа созылуы тиіс еді. Алайда жекпе-жек барысында Қанат Исламнан екі рет нокдаун алған Джейсон Минда жетінші раундта нокаутқа түсті.
Мақаланың түпнұсқасы: https://kaz.nur.kz/sport/boxing/1900022-qanat-islam-qarsylasyn-nokautqa-ziberdi/
