Боксшы Айдос Ербосынұлы комадан шыққан кейін алғаш рет желіде суретін жариялады (фото)

Қазақстандық кәсіпқой боксшы Айдос Ербосынұлы комадан шыққаннан кейін, алғаш рет желіде фото жариялады, деп жазады KAZ.NUR.KZ.

Боксшы суретін Instagram Stories-те жариялап, "Альхамдулиллах" деген жазба қалдырған.

Айта кетейік, бұған дейін Айдос Ербосынұлы ел азаматтарына өзіне көрсеткен қолдау үшін алғыс білдіріп, денсаулығының жақсарғанын айтып еді.

Еске салсақ, Айдос Ербосынұлы АҚШ-тың Миннеаполис қаласында өткен жекпе-жекте кубалық Давид Моррелюден нокаутпен жеңілген еді. Жекпе-жектен кейін боксшының ауруханаға түскені хабарланды. Дәрігерлер боксшыны жасанды комаға түсіріп, ота жасады.

Кейін Айдос Ербосынұлының комадан шығып, денсаулығының жақсарғаны белгілі болды.