Таиланд астанасы Бангкок қаласында 22 жасқа дейінгілер арасында өтіп жатқан Азия чемпионатында қазақстандық Нұрсұлтан Алтынбек жеңімпаз атанды, деп хабарлайды KAZ.NUR.KZ тілшісі.
54 келіге дейін салмақта ел намысын қорғаған отандық былғары қолғап шебері финалда Филиппин өкілі Флинт Джарамен жұдырықтасты.
Тартысты өткен кездесуде төрешілер жеңісті Нұрсұлтан Алтынбекке берді.
Осылайша, отандық боксшы жастар арасындағы Азия чемпионатының "алтынын" қанжығасына байлады.
Еске сала кетейік, бұған дейін Санжар Тәшкенбай 22 жасқа дейінгілер арасында өтіп жатқан Азия чемпионатының алтын жүлдесін жеңіп алған еді.
Мақаланың түпнұсқасы: https://kaz.nur.kz/sport/boxing/2006890-bokstan-aziya-birinsiliginde-el-qorzynyna-ekinsi-altyn-medel-tusti/
