Махмұд Сабырхан Азия біріншілігінде ел қоржынына үшінші "алтынды" салды
Опубликовано:
Таиланд астанасы Бангкок қаласында 22 жасқа дейінгілер арасындағы Азия чемпионатында қазақстандық Махмұд Сабырхан финалдық кездесуін өткізді, деп хабарлайды KAZ.NUR.KZ тілшісі.
57 келіге дейін салмақта ел намысын қорғаған отандық былғары қолғап шебері финалда Таиланд өкілі Саравут Суктхетпен жұдырықтасты.
Тартысты өткен кездесуде төрешілер жеңісті Махмұд Сабырханға берді.
Осылайша, отандық боксшы жастар арасындағы Азия чемпионатында ел қоржынына үшінші "алтынды" салды.
Еске сала кетейік, бұған дейін Санжар Тәшкенбай мен Нұрсұлтан Алтынбек 22 жасқа дейінгілер арасында өтіп жатқан Азия чемпионатының алтын жүлдесін жеңіп алған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2006894-maxmud-sabyrxan-aziya-birinsiliginde-el-qorzynyna-usinsi-altyndy-saldy/