Қамшыбек Қоңқабаев 20 секундта қарсыласын ауыр нокаутқа жіберді (видео)

Болгария астанасы Софияда өтіп жатқан бокстан "Странджа" халықаралық турнирін қазақстандық Қамшыбек Қоңқабаев жеңіспен бастады, деп хабарлайды KAZ.NUR.KZ.

Аса ауыр салмақта сынға түсетін Қамшыбек турнирдің 1/8 финалдында Нидерланд өкілі Стэн Бертенспен жұдырықтасты.

Аталған кездесу небары 20 секундқа созылды. Жекпе-жек басталған бойда Қоңқабаев қарсыласын жойқын соққымен нокаутқа жіберген.

Осылайша, ауыр салмақтағы боксшымыз турнирдің ширек финалына өтті. Ол келесі жекпе-жекте өзінің ежелгі қарсыласы, әлем және Олимпиада чемпионы, өзбекстандық Баһадүр Жалоловпен кездеседі.

Айта кетелік, бүгін шаршы алаңға шыққан төрт боксшымыздың үшеуі ұтылды. Ертуған Зейнуллин, Бекзат Алдамжаров және Ерасыл Таңқай жарысты аяқтады.

Мәтіннен қате тапсаңыз, бізге жазыңыз