Жетеуі де чемпион: бокстан Өзбекстан құрамасы Азия ойындарына қатысатын құрамын жариялады

Бокстан Азия ойындарында Өзбекстан намысын қорғайтын боксшылар анықталды. Бұл туралы Өзбекстан бокс федерациясының желідегі ресми парақшасында жарияланды, деп хабарлайды KAZ.NUR.KZ.

Ханчжоу шаршы алаңында Азиаданың алтыны мен Париж Олимпиадасының жолдамасына таласатын боксшылардың барлығы да чемпион атанған.

Азия ойындарына қатысатын Өзбекстан құрамасы:

51 келі: Хасанбой Досматов

57 келі: Абдумәлік Халоков

63,5 келі: Руслан Абдуллаев

71 келі: Асаходжа Муйдинходжаев

80 келі: Тұрарбек Хабибуллаев

-92 келі: Ләзизбек Моллажанов

+92 келі: Баходир Жалолов

Бұл құрамда Досматов, Халоков, Абдуллаев, Муйдинходжаев және Жалолов ересектер арасында әлем чемпионы атанса, Моллажанов әскерилер арасында, Хабибуллаев жастар арасында әлемдік сынды бағындырған.

Айта кетелік, Азия ойындарына қатысатын Қазақстан командасының құрамын мына сілтемеден көре аласыздар.

Мәтіннен қате тапсаңыз, бізге жазыңыз