"Екі-үш рет нокдаунды есептеген жоқ": Асланбек Шымбергеновтің бапкері өте ауыр жекпе-жекті қорытындылады
Опубликовано:
Бокстан әлем чемпионы Асланбек Шымбергенов Ханчжоудағы Азия ойындарын жеңіспен бастады. Боксшы өте қиын кездесуде жергілікті қытайлық спортшыны ұтты, деп хабарлайды KAZ.NUR.KZ тілшісі.
Осы орайда, боксшының жеке бапкері Ермек Ертаев кездесуді қорытындылады.
"Жекпе-жек өте ауыр өтті. Төреші екі-үш рет нокдаун болатын сәтті есепке салмады. Бұл енді Азия ойындары. Оңай болмайды. Екінші раундты қарсыласқа 3:2 есебімен берді. Асланбек өзін қолға алып, жеңісті жұлып алды.
Асланбектің бұл қарсыласын білмейміз. Ол әлем чемпионатына да, басқа жарыстарға да қатыспаған. Азия ойындарында алғаш рет көріп отырмыз.
Әрине, қытайлар өз жерінде барын салады. Екінші раундтан соң Асланбекке: "Босаңсыма! Жеңісті бермейді, әйтпесе", -дедім.
Ендігі қарсылас - өзбек боксшысы. 67 келіде әлем чемпионы атанып, 71 келіге ауысқан. Барлығын шаршы алаң көрсетеді", - деді Ермек Ертаев.
- "Қателік өзімнен кетті": Сәкен Бибосынов Азия ойындарындағы жеңілісін түсіндірді
- Азия ойындары: Сәкен Бибосынов өзбекстандық қарсыласына есе жіберді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2038654-eki-us-ret-nokdaundy-eseptegen-zoq-aslanbek-symbergenovtin-bapkeri-ote-auyr-zekpe-zekti-qorytyndylady/