Президент Қасым-Жомарт Тоқаевқа кәсіпқой бокстан WBO, IBF тұжырымдары бойынша орта салмақтағы әлем чемпионы Жәнібек Әлімханұлы бокс қолғабын сыйға тартты, деп хабарлайды KAZ.NUR.KZ тілшісі.
Ақорданың Telegram-арнасында жарияланған ақпарат бойынша, боксшы Жәнібек Әлімханұлы Мемлекет басшысымен бірге футзалдан ұлттық құрамаға қолдау үшін келген.
Кәсіпқой бокстан WBO, IBF тұжырымдары бойынша әлем чемпионы Жәнібек Әлімханұлы құраманың жеңісінен кейін президентке сый жасаған.
Бұған дейін футзалдан Қазақстан құрамасы Нидерландты жеңіп, әлем чемпионатына жолдама алғанын жазған едік. Қазақстан ұлттық құрамасына қолдау көрсету үшін Жақсылық Үшкемпіров атындағы жекпе-жек сарайына келгені де хабарланған.
Мақаланың түпнұсқасы: https://kaz.nur.kz/sport/boxing/2050931-zanibek-alimxanuly-prezidentke-boks-qolgabyn-syilady-foto-video/
