WBO және IBF чемпиондық белбеулерінің иегері Жәнібек Әлімханұлы WBA тұжырымы бойынша әлем чемпионы, кубалық боксшы Эрисланди Ларамен шаршы алаңда кездескісі келеді. Бұл туралы KAZ.NUR.KZ Жәнібек Әлімханұлының Twitter-дегі ресми парақшасына сілтеме жасап хабарлайды.
"Мен Лараны түсінбеймін. Ол менімен бірден үш титул үшін жұдырықтаса алады. Неге чемпионмен жекпе-жекке шықпайды? Жәнібек Лараға қарсы! Келіңдер, осы кездесуді өткізейік", – деп жазды Әлімханұлы.
Айта кетейік, Жәнібек соңғы жекпе-жегін 2023 жылдың қараша айында өткізді. Винченцо Гуальтьериге қарсы жұдырықтасқан танымал боксшы қарсыласын мерзімінен бұрын жеңіп, екі чемпиондық белбеудің иесі болған еді.
"Qazaq Style" BoxRec нұсқасы бойынша ең жақсы көрсеткішті 2022 жылдың мамыр айында көрсеткен еді. Қазақстандағы орта салмақ дәрежесіндегі боксшылар арасында 1-орын, ал әлем бойынша 8-орында.
Мақаланың түпнұсқасы: https://kaz.nur.kz/sport/boxing/2056370-zanibek-alimxanuly-wba-tuzyrymyndagy-alem-cempionyn-zekpe-zekke-saqyrdy/
