Орта салмақ дәрежесіндегі WBO және IBF чемпиондық белбеулерінің иегері Жәнібек Әлімханұлы алдағы жоспарын айтты. Бұл туралы KAZ.NUR.KZ Жәнібек Әлімханұлының Instagram желісіндегі ресми парақшасына сілтеме жасап хабарлайды.
"Рингті сағындық! Бұйыртса жақында Америкаға аттанамыз! Qazaq style", – деп жазды Жәнібек Әлімханұлы Instagram желісінде.
Еске салайық, осыған дейін Жәнібек Әлімханұлы WBA тұжырымы бойынша әлем чемпионы Эрисланди Лараны шаршы алаңға шақырған еді.
"Qazaq Style" соңғы рет рингке 2023 жылы қазан айында шығып, неміс боксшысы Винченцо Гуальтьериді 6-раундта техникалық нокаутпен жеңді. Осылайша WBO және IBF нұсқалары бойынша әлем чемпионы атанған еді. Жәнібек Әлімханұлы кәсіпқой бокста 15 жекпе-жек өткізіп, бірде-бір рет жеңілмеген.
Мақаланың түпнұсқасы: https://kaz.nur.kz/sport/boxing/2058024-ringti-sagyndym-zanibek-alimxanuly-aqs-qa-attanatynyn-malimdedi/
