Қазақ боксшылары Азия чемпионатында өзбек қарсыластарын жеңіп, жартылай финалға өтті

Сауд Арабиясының Әл-Айн қаласында өтіп жатқан бокстан жасөспірімдер арасындағы Азия чемпионатында Қазақстанның алты боксшысы жартылай финалға жолдама алды. Бұл туралы KAZ.NUR.KZ тілшісі хабарлайды.

Турнирдің бесінші күні ширек финалдық жекпе-жектер өтіп, Қазақстан намысын тоғыз боксшы қорғады. Олардың алтауы жартылай финалға өтіп, кем дегенде қола жүлде иеленуге мүмкіндік алды. Үш жекпе-жекте қазақ бокшылары өзбекстандықтармен жұдырықтасып жеңіске жетті.

Жекпе-жектердің нәтижесі:

• 49 кг. Адият Маржықбаев (Қазақстан) – Агарзандан Батхияк (Моңғолия) 1:4;
• 52 кг. Лакшай Будхвар (Үнді) – Нұрислам Оңғарбек (Қазақстан) 0:5;
• 55 кг. Әбдімансұр Жақсылық (Қазақстан) – Матвий Шватко (Украина) 4:1;
• 58 кг. Кирило Хорбунов (Украина) – Мейіржан Жүніс (Қазақстан) 3:2;
• 61 кг. Әлимран Әлиев (Қазақстан) – Бектош Рахимжанов (Өзбекстан) 5:0;
• 64 кг. Төрехан Қанатбай (Қазақстан) – Саиднаби Ботыров (Өзбекстан) 5:0;
• 67 кг. Юнус Салихов (Украина) – Нұрасыл Оразали (Қазақстан) 4:1;
• 70 кг. Мансұр Амантай (Қазақстан) – Тақи Әльқбаши (Ирак) 5:0;
• +70 кг. Фарходжон Бахадиров (Өзбекстан) – Жәдігер Мүсірәлі (Қазақстан) 1:4.

Еске салайық, Төрехан Сабырхан бастаған қазақ боксшылары Ресейдің Чита қаласында өткен Еуразия кубогында 13 медаль жеңіп алған еді.

Мәтіннен қате тапсаңыз, бізге жазыңыз