62 жастағы Холифилд Майк Тайсонды үшінші жекпе-жекке шақырды
Опубликовано:
Әйгілі америкалық боксшы Эвандер Холифилд бұрынғы қарсыласы Майк Тайсонды үшінші рет жекпе-жекке шығуға шақырды. Бұл туралы KAZ.NUR.KZ хабарлайды.
Ауыр салмақта жұдырықтасатын қос аңыз боксшының алғашқы жекпе-жегі 1996 жылы жазда болған еді. Бұл бәсекеде Холифилд жеңіске жетті. Келесі жылы олар шаршы алаңда тағы кездескен. Осы жекпе-жекте Тайсон қарсыласының құлағын тістеп алып, дисквалификацияға ұшырап, жеңіліп қалды.
62 жастағы Холифилд Instagram-дағы ресми парақшасында 58 жастағы Тайсонды трилогияға шақырып, "жанкүйерлер осыны қалайды", - деп жазды. Бұған Майк Тайсон "Сені жақсы көремін, бауырым. Бірақ трилогия – ол біздің достығымыз", - деп жауап қайтарды.
Еске салайық, Майк Тайсон 16 қарашада 2005 жылдан бері алғаш рет кәсіпқой бокста жекпе-жек өткізген еді. Ол Арлингтондағы (АҚШ) бокс кешінде видеоблогер Джейк Полға есе жіберді. Кейін екі боксшы жекпе-жектен қанша табыс тапқаны белгілі болды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2189532-62-zhastagy-holifild-maik-taisondy-ushinshi-zhekpe-zhekke-shaqyrdy/