Қарсыласын нокдаунға жіберді: Махмұд Сабырхан Азия чемпионатының финалына өтті

Қазақстандық боксшы Махмұд Сабырхан Таиландтағы Азия чемпионатының финалына шықты. Бұл туралы KAZ.NUR.KZ тілшісі хабарлайды.

54 кг салмақ дәрежесіндегі жартылай финалда Махмұд Сабырхан ринг қожайыны таиландтық Суктхет Сарабутпен жұдырықтасты. Екінші раундта қазақстандық боксшы қарсыласын нокдаунға түсірді. Жекпе-жек қорытындысы бойынша Махмұд Сабырхан төрешілердің бірыңғай шешімімен жеңіске жетті (5:0).

Айта кетейік, Махмұд Сабырхан – әлем чемпионы (2023), әлем чемпионатының күміс жүлдегері (2021), Азия чемпионатының күміс жүлдегері (2022).

Осыған дейін тағы бір қазақстандық боксшы Санжар Тәшкенбай жартылай финалда Жапония өкілі Казума Аратакені жеңіп, ақтық сынға жолдама алған еді.

Мәтіннен қате тапсаңыз, бізге жазыңыз