Махмұд Сабырхан Азия чемпионатында алтын медаль жеңіп алды

Қазақстандық боксшы Махмұд Сабырхан Таиландтағы Азия чемпионатының жеңімпазы атанды. Бұл туралы KAZ.NUR.KZ тілшісі хабарлайды.

Махмұд Сабырхан 54 кг салмақ дәрежесіндегі финалда өзбек боксшысы Шахзод Музафаровпен жұдырықтасты. Үш раундқа созылған тартысты бәсекеде Қазақстан құрамасының боксшысы төрешілер шешімімен (4:1) жеңіске жетті.

Айта кетейік, Махмұд Сабырхан – әлем чемпионы (2023), әлем чемпионатының күміс жүлдегері (2021), Азия чемпионатының күміс жүлдегері (2022).

Бұған дейін тағы бір қазақстандық боксшы Санжар Тәшкенбай (48 кг) финалда өзбекстандық Шодиержон Меликузиевтен төрешілердің шешімі бойынша (1:4) жеңіліс тауып, Азия чемпионатының күміс жүлдегері атанған еді.

Мәтіннен қате тапсаңыз, бізге жазыңыз