36 жастағы боксшы Теміртас Жүсіпов Қазақстанның сегіз дүркін чемпионы атанды

Теміртас Жүсіпов бокстан Қазақстан чемпионатының финалдық бәсекесінде сынға түсті. Бұл туралы KAZ.NUR.KZ хабарлайды.

Қарағандыда өтіп жатқан Қазақстан чемпионатының 48 кг дейінгі салмақ дәрежесіндегі финалда Теміртас Жүсіпов Жамбыл облысының боксшысы Нұрзат Оңғаровпен жұдырықтасты. Нәтижесінде Теміртас Жүсіпов Қазақстанның сегіз дүркін чемпионы атанды.

36 жастағы Теміртас Жүсіпов 2021 жылы Белградта өткен әлем чемпионатында топ жарған. Ол екі мәрте Азия чемпионатының (2013, 2019) алтын медалін алған. Теміртас Жүсіпов бұған дейін Қазақстан чемпионатын 7 мәрте жеңіп алған.

Айта кетейік, бүгінгі финалдық жекпе-жектерде 25 алтын сарапқа салынады.

Сондай-ақ Назым Қызайбай (48 кг) мен Төрехан Сабырхан (67 кг) мерзімінен бұрын Қазақстан чемпионы атанды.

Мәтіннен қате тапсаңыз, бізге жазыңыз