Қазақстан бокс федерациясының бас хатшысы Мерей Ақшаловқа ТМД парламентаралық ассамблеясының құрмет белгісі табысталды. Бұл туралы KAZ.NUR.KZ Спорт комитетіне сілтеме жасап хабарлайды.
"Қазақстан Туризм және спорт министрлігі Спорт және дене шынықтыру комитетінің төрағасы Руслан Есеналин Қазақстан бокс федерациясының бас хатшысы Мерей Ақшаловқа ТМД парламентаралық ассамблеясының құрмет белгісін табыстады.
Куәлік "Дене шынықтыру, спорт және туризм саласының дамуына қосқан үлесі үшін" берілді", - делінген хабарламада.
Естеріңізге сала кетейік, Мерей Ақшалов бұдан бір ай бұрын еліміздің бокс федерациясының бас хатшысы болып тағайындалған еді.
Мерей Төлегенұлы бокстан халықаралық дәрежедегі спорт шебері, "Құрмет" орденінің иегері. Бокстан 2013 жылғы Азия және әлем чемпионы. Екі ірі жарыс та Амманда өткен болатын.
2014 жылы денсаулық жағдайына байланысты спорттағы мансабын аяқтаған.
Мақаланың түпнұсқасы: https://kaz.nur.kz/sport/boxing/2222396-merei-aqshalovqa-qurmet-belgisi-tabystaldy-foto/
