Алуа Балқыбекова Ливерпульде өтіп жатқан бокстан әлем чемпионатының ширек финалына шықты
Жарияланған күні:
Қазақстан әйелдер құрамасының өкілі Алуа Балқыбекова бокстан Ливерпульде өтіп жатқан әлем чемпионатының 1/8 финалында жеңіске жетті. Бұл туралы Olympic.kz порталына сілтеме жасаған KAZ.NUR.KZ хабарлайды.
Басылымның жазуынша, Алуа Балқыбекова 51 келіге дейінгі салмақта оңтүстіккореялық Мун Каенмен қолғап түйістірген.
Алуа бірінші раундтан-ақ қарсыласын қыспаққа алған. Ол екінші және үш раундта да қарсыласынан басым түсіп, нәтижесінде 5:0 есебімен жеңіске жеткен.
Енді Алуа Балқыбекова әлем чемпионатының жартылай финалына шығу үшін бақ сынайды.
Айта кетейік, бүгін Алуадан бөлек, тағы 8 қазақ боксшысы шаршы алаңға шығады.
Олардың арасында, Махмұд Сабырхан, Санжар Тәшкенбай, Ертуған Зейнулинов, Бекзат Нұрдәулетов, Нұрбек Оралбай, Назым Қызайбай, Виктория Графеевв және Наталья Богданова бар.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2284278-bokstan-alem-chempionaty-alua-balqybekova-1-8-finalda-zhengiske-zhetti/