Бокстан әлем чемпионаты: Назым Қызайбай турнирді сәтті бастады

Қазақстандық боксшы Назым Қызайбай Ливерпульде өтіп жатқан әлем чемпионатының ширек финалына жолдама алды. Бұл туралы KAZ.NUR.KZ хабарлайды.

Назым 48 келіге дейінгі салмықтың 1/8 финалында венгриялық Лилла Селецкимен қолғап түйістірді.

Назым алғашқы раундтан-ақ тізгінді қолына алды. Тіпті, екінші үшминуттықта қарсыласын нокдаунға жіберді. Нәтижесінде айқын басымдықпен жеңіске жетті. Осылайша, Назым Қызайбай (48 келіге дейін) әлем чемпионатының жартылай финалына шығу үшін бақ сынайды.

Айта кетейік, бұған дейін 51 келіге дейінгі салмақта жұдырықтасқан боксшы Алуа Балқыбекова да ширек финалға өткен болатын.

Сондай-ақ, бокстан Қазақстан құрамасының боксшылары Махмұд Сабырхан мен Нұрбек Оралбай да қарсыластарын жеңіп, әлем чемпионатының ширек финалына жолдама алды.

Мәтіннен қате тапсаңыз, бізге жазыңыз