Дзюдодан Grand Slam турнирі: қазақ баласы өз мансабында тұңғыш рет қола медаль жеңіп алды

Дзюдодан Астанадағы Grand Slam турнирінің екінші жарыс күнінде Қазақстан қоржынына екі медаль түсті. Бұл туралы KAZ.NUR.KZ хабарлайды.

73 келіге дейінгі салмақта сынға түскен Данияр Шамшаев пен Асқар Нарқұлов турнирдің қола жүлдегері атанды.

Шамшаев кіші финалда өз командаласы Жансай Смағұловтан басым түссе, Нарқұлов грузиялық Георгий Терашвилиден басым түсті.

Бір айта кетерлігі, Асқар Нарқұлов Grand Slam турнирінен алғаш рет медаль алып отыр.

Еске сала кетейік, кешегі жарыс күнінде Мағжан Шамшадин 60 келіге дейінгі салмақта чемпион атанса, Ғұсман Қырғызбаев 66 келіде турнирдің күміс медалін иеленген болатын.

Астанадағы әлемдік жарыс ертең мәресіне жетеді.

Мәтіннен қате тапсаңыз, бізге жазыңыз