Қазақстандық балуан Жәмилә Бақбергенова Белград қаласында өтіп жатқан күрес түрлерінен әлем чемпионатының финалына өтпей қалды, деп жазады KAZ.NUR.KZ.
Жәмилә Бақбергенова 72 келі салмақта жартылай финалда моңғолиялық Дааванасан Енкх Амарға ұтылып қалды. Жекпе-жек 2:6 есебімен аяқталды.
Қазақстандық спортшы енді қола жүлде үшін күресетін болады.
Айта кетейік, бұған дейін Жәмилә Бақбергенованың әлем чемпионатының жартылай финалына шыққанын хабарлаған болатынбыз. Ол алғашқы жекпе-жегінде сербиялық Наги Надты, ширек финалда ресейлік Ксения Буракованы жеңді.
Сондай-ақ, аталмыш әлем чемпионатына қатысқан отандасымыз Ризабек Айтмұхан финалда әзербайжандық балуан Осман Нурмагомедовті жеңіп, еркін күрестен қазақтан шыққан тұңғыш әлем чемпионы атанған еді.
Кейін Ризабекті жарқын жеңісімен мемлекет басшысы Қасым-Жомарт Тоқаев құттықтап, балуанның мұндай жетістігі жас буынның спортқа құлшынысын арттыратынына сенім білдірді.
Сонымен қатар, Ризабектің әлем чемпионатындағы жеңісі үшін мемлекеттен қанша сыйақы алатыны белгілі болды.
Мақаланың түпнұсқасы: https://kaz.nur.kz/sport/fight/2037463-zamila-baqbergenova-alem-cempionatynyn-finalyna-otpedi/
