Қазақстандық екі балуан Азия чемпионатының алтын жүлдесі үшін күреседі

Асыл Айтақын мен Азамат Дәулетбеков Бішкекте (Қырғызстан) өтіп жатқан күрес түрлерінен Азия чемпионатының финалына өтті. Бұл туралы KAZ.NUR.KZ тілшісі хабарлайды.

61 кг cалмақта бақ сынап жатқан Асыл Айтақын жартылай финалда Акаш Дахияны (Үндістан) 11:0 есебімен жеңді. Финалда ол қырғызстандық Тайырбек Жұмашбекұлымен кездеседі.

Ал Азамат Дәулетбеков (86 кг) жартылай финалда қытайлық балуан Пейлон Лиді 11:0 есебімен ұтты. Енді Дәулетбеков ақтық сында Өзбекстан өкілі Жабраил Шапиевпен белдеседі. Жеңетін болса, Азияның үш дүркін чемпионы атанады. 

Еске салайық, кеше, 10 сәуірде Қазақстан құрамасының қоржынына 2 жүлде түсті. Еркін күрестен 57 кг салмақтағы Мейрамбек Қартбай қытайлық балуан Вею Лиді 7:2 есебімен жеңіп, қола жүлдеге ие болды. Ал Ризабек Айтмұхан (97 кг) финалдық кездесуде әлем және Азия чемпионы, Бахрейн өкілі Ахмед Тажудиновтен 4:2 есебімен жеңіліп, күміс жүлде еншіледі.

Мәтіннен қате тапсаңыз, бізге жазыңыз