Азамат Дәулетбеков финалда өзбек балуанын жеңіп, үш дүркін Азия чемпионы атанды

Қазақстандық балуан Азамат Дәулетбеков Бішкекте (Қырғызстан) өтіп жатқан күрес түрлерінен Азия чемпионатында алтын медаль иеленді. Бұл туралы KAZ.NUR.KZ тілшісі хабарлайды.

Еркін күрестен 86 кг салмақта сынға түскен Азамат Дәулетбеков финалда Өзбекстан өкілі Жавраил Шапиевпен күресіп, 5:2 есебімен жеңді.

Дәулетбеков 2022 жылы және 2023 жылы да Азия чемпионы атанған еді. Сондай-ақ ол - әлем чемпионатының екі дүркін қола жүлдегері.

Айта кетейік, бүгін, 12 сәуірде тағы бір қазақстандық балуан Асыл Айтақын (61 кг) финалда Қырғызстан өкілі Тайырбек Жұмашбекұлына есе жіберіп, күміс медаль еншіледі. Ал кешегі жарыс күнінде Мейрамбек Қартбай (57 кг) қола, Ризабек Айтмұхан (97 кг) күміс медаль жеңіп алған болатын.

Мәтіннен қате тапсаңыз, бізге жазыңыз