Қазақстандық балуан қыз Эльмира Сыздықова Азия Чемпионатының қола жүлдесін жеңіп алды. 76 келі салмақ дәрежесінде сынға түскен Эльмира үндістандық Прия Прияны шаң қаптырды, деп жазады KAZ.NUR.KZ.
Осылайша Эльмира Сыздықова төрт дүркін Азия чемпионатының қола жүлдегері атанды.
Эльмираның жеңіске жеткен сәтін Qazsport арнасы Instagram-дағы парақшасында жариялады.
Еске сала кетейік, осыған дейін қазақстандық төрт балуан қызымыздың Азия чемпионатының қола жүлдесі үшін күресетінін хабарлаған болатынбыз. Зульфия Яхьярова, Диана Каюмова мен Эльмира Сыздықова, Альбина Қайыргелдинова күресетін Азия чемпионаты Бішкекте өтіп жатыр.
Мақаланың түпнұсқасы: https://kaz.nur.kz/sport/fight/2084303-elmira-syzdyqova-aziya-cempionatynyn-qola-zuldegeri-atandy-video/
