Астанадағы Grand Slam турнирі: Елдос Сметов жұбаныш белдесуінде бақ сынайды

Қазақстандық дзюдошы Елдос Сметов Астанада өтіп жатқан дзюдодан Grand Slam турнирінің жұбаныш белдесуіне қатысады. Бұл туралы KAZ.NUR.KZ тілшісі хабарлайды.

60 кг салмақтағы Елдос Сметов ширек финалда ресейлік Рамазан Абдуллаевтан қосымша уақытта жеңіліп қалды. Осылайша, қазақстандық балуан жұбаныш белдесуінде бақ сынайды.

Айта кетейік, Сметов алғашқы айналымда португалиялық Родриго Коста Лопеспен кездесіп, "иппон" әдісімен ұтқан еді. Кейін 1/8 финалда марокколық Юнесс Саддикиден басым түсіп, ширек финалға өткен болатын.

Ал бүгін, 10 мамырда боз кілемге шыққан Қазақстан ерлер құрамасының өзге мүшелері толығымен жеңіліс тапты. 

Еске салайық, Елдос Сметов өз салмағындағы командаластарын қарсылас санамайтынын айтқан еді.

Мәтіннен қате тапсаңыз, бізге жазыңыз