Париж Олимпиадасыынң чемпионы Елдос Сметов жеңісінен кейінгі әсерін бөлісті. Бұл туралы KAZ.NUR.KZ тілшісі хабарлайды.
"Сіздердің тілектеріңіздің арқасында елімізде тарих жаңарып отыр. Күрес түрлерінен Жақсылық атамыздан (Үшкемпіров) кейінгі Олимпиада чемпионы атағы бұйырып отыр. Біріншісінде көрдік – күміс болды, екіншісінде көрдік – қола болды. Ал үшінші Олимпиадаға бел буып келгенімізде үлкен жетістікке қол жеткіздік. Бұл үлкен еңбекті талап етеді. Қаншама қиыншылықтарды өткергеннен кейін Аллаһ Тағала тағдырымызға жазған екен", - деді Елдос Сметов.
Айта кетейік, Елдос Сметов Париж татамиіндегі доданың финалында франциялық дзюдошы Лука Мхеидземен кездесті. 60 кг салмақ дәрежесінде өткен белдесуде Елдос Сметов 1:0 есебімен жеңді. Осылайша, Елдос Сметов Париж Олимпиадасының чемпионы атанған болатын.
Мақаланың түпнұсқасы: https://kaz.nur.kz/sport/fight/2140690-ulken-zhetistikke-qol-zhetkizdik-eldos-smetov-olimpiada-chempiony-atangannan-keiingi-algashqy-aserin-bolisti/
