Дзюдодан Жапониядағы Grand Slam турниріне қатысатын Қазақстан құрамасы анықталды

Жапония астанасы Токиода өтетін дзюдодан Grand Slam (Үлкен дулыға) турниріне қатысатын Қазақстан құрамасы белгілі болды. Бұл туралы KAZ.NUR.KZ Спортты дамыту дирекциясының ресми сайтына сілтеме жасап хабарлайды.

7-8 желтоқсан аралығында өтетін Grand Slam 2024 жылғы ересектер арасындағы соңғы халықаралық жарыс саналады. Бұл турнирде 48 мемлекеттен 302 дзюдошы сынға түседі. Токиода Қазақстан намысын қорғайтын татами шеберлері төмендегідей :

Ерлер:

• Шерзод Давлатов, Дәурен Сюкенов (-60 кг);
• Бақытжан Абдурахманов (-73 кг);
• Жалғас Қайролла (-81 кг);
• Мейірлан Максим (-90 кг);
• Әділет Сапарғалиев (-100 кг).

Әйелдер:

• Толғанай Әбеуова (-52 кг);
• Дана Әбдірова (-57 кг);
• Самалай Ерғалиева (-63 кг);
• Назгүл Маратова, Карина Такиева (+78 кг).

Еске салайық, Елдос Сметов пен Ғұсман Қырғызбаев ұлттық құраманың жаттығуына қашан оралатыны белгілі болған еді.

Мәтіннен қате тапсаңыз, бізге жазыңыз