"Үздік иппон": тағы бір қазақ дзюдошысы халықаралық жүлдеге үміткер тізіміне енді

Қазақстандық дзюдошы Ғалымжан Қырықбай халықаралық дзюдо федерациясының IJF Judo Awards 2024 жүлдесіне үміткер атанды. Бұл туралы KAZ.NUR.KZ Қазақстан дзюдо федерациясының Instagram-дағы ресми парақшасына сілтеме жасап хабарлайды.

Халықаралық дзюдо федерациясының Judo Awards 2024 жүлдесінің "Үздік иппон" (Best Ippon) аталымы бойынша Ғалымжан Қырықбай үміткерлер қатарына қосылды.

"Үздік иппон" аталымында 2024 жылғы әлемдік жарыстардағы 20 дзюдошының таңдаулы әдістері іріктелген. Атап айтқанда, қазақстандық Ғалымжан Қырықбайдың Тблисиде өткен әлемдік Grand Slam жарысындағы әдісі үздіктер қатарынан табылған. Дауыс беру кезеңі 10 желтоқсаннан 10 қаңтарға дейін жалғасады.

Айта кетейік, Париж Олимпиадасының чемпионы Елдос Сметов Халықаралық дзюдо федерациясының (IJF) "Жыл дзюдошысы" атағына үміткерлер тізіміне енген еді.

Мәтіннен қате тапсаңыз, бізге жазыңыз