"Қазақстанда да мықты мамандар бар": Ғалымжан Жылгелдиев құрамаға шақыртылатын шетелдік бапкерлер туралы айтты

Дзюдошы Елдос Сметовтің бапкері Ғалымжан Жылгелдиев шетелдік бапкерлердің құрамаға шақыртылуы туралы пікір білдірді. Бұл туралы KAZ.NUR.KZ "Бірінші бол" сайтына сілтеме жасап хабарлайды.

Ғалымжан Жылгелдиев құрамаға шақыртылған шетелдік мамандарға қатысты да ойын ортаға салды.

"Көмектесеміз, үйретеміз деп жатса, оған еш қарсылығымыз жоқ. Басшылық бар, солар қалай жақсы екенін білетін шығар. Дегенмен Қазақстанда да мықты мамандар бар, Олимпиаданың жүлде жиынтығын сыйлаған бапкерміз, сондықтан олар бізден соншалықты артық біледі деп ойламаймын. Олар да көрсін, көмектессін, егер көмегі тиіп, біздің жетістігімізді қайталап жатса, оған тек қуанамыз. Қолдаймын дейтінім – балаларға, бапкерлерге қосымша мотивация болатын шығар", - деді Ғалымжан Жылгелдиев.

Сондай-ақ ол шәкірті Елдос Сметовтің алдағы уақыттағы жоспарлары туралы айтқан болатын.

Естеріңізге сала кетейік, Туризм және спорт министрі Ербол Мырзабосынов елдегі бапкерлердің біліктілігін арттыру мақсатында халықаралық тәжірибені елге әкеліп жатқанын айтқан еді.

Мәтіннен қате тапсаңыз, бізге жазыңыз