"Дзюдода бақ сынап көремін": "Қазақстан барысының" үш дүркін жүлдегері жоспарын бөлісті

Қазақ күресінен "Қазақстан барысы" турнирінің үш дүркін жүлдегері, V Дүниежүзілік көшпенділер ойындарының жеңімпазы Нұрдәулет Жарылғапов алдағы жоспары туралы айтты. Бұл туралы KAZ.NUR.KZ Youtube желісіндегі Otpannews арнасына сілтеме жасап хабарлайды.

Нұрдәулет Жарылғапов биыл қазақ күресінен екі жарысқа, "Дала қыраны" мен әлем чемпионатына қатысатынын айтты.

"Екі турнирде де жеңіске жеткен соң, дзюдода бақ сынап көрсем деген арманым бар. 2024 жылы дзюдодан Қазақстан чемпионатына қатыса алмадым. Қазақ күресінен ел біріншілігінде сынға түсіп, жартылай финалда түркістандық балуаннан ұтылып қалдым. Кейін үшінші орын үшін белдесіп, қола жүлде иелендім. Осы жарыстан соң бапкерлеріммен ақылдасып, дзюдода күресуді келесі жылға қалдырдық. Дзюдодан Қазақстан чемпионатына дайындалып, бақ сынаймын", - деді Жарылғапов.

Еске салайық, "Қазақстан барысы – 2024" турнирінде күміс жүлде еншілеген шымкенттік балуан Ерсұлтан Мұзаппаров үйленгенін жазғанбыз.

Мәтіннен қате тапсаңыз, бізге жазыңыз