"Мұсылманмын": Бензема неліктен сауд арабиялық клубқа ауысқанын түсіндірді

"Алтын доп" иегері Карим Бензема алғаш рет Сауд Арабиясының чемпионатында өнер көрсететін клубқа ауысуы жайлы пікір білдірді. Бұл туралы Goal сайты хабарлайды.

Франциялық шабуылшы клубтың каналына берген сұхбатында Сауд Арабиясында өнер көрсететін ұжымға неліктен ауысқанын түсіндірген.

"Өйткені мен мұсылманмын. Ал Сауд Арабиясы ислам дінін ұстанатын ел. Мен үнемі осында тұруды ойлағанмын", - деді Карим Бензема.

Еске сала кетейік, бұған дейін Карим Бенземаның Сауд Арабиясында өнер көрсететін "Әл-Иттихад" клубының ойыншысы атанғанын жазған едік.

Ұжым франциялық сұрмергенмен 2026 жылға дейін келісімшартқа отырды.

Мәтіннен қате тапсаңыз, бізге жазыңыз