Желіде "Аль-Хиляль" шабуылшысы Неймардың болашақ үйінің суреттері тарап кетті. Бразилиялық жұлдыз Сауд Арабиясында зәулім сарай салмақ, деп жазады KAZ.NUR.KZ.
Матч ТВ басылымының хабарлауынша, жергілікті дизайнерлер зәулім сарайдың жобасымен жұмысты бастап кеткен.
Неймардың үйінде жаттығу залы, бассейн және футбол алаңы болады. Бұл - бразилиялық жұлдыздың талабы.
Айта кетейік, бұған дейін Неймардың алаңда ашуға бой алдырып, қарсыласын итеріп жібергенін жазған болатынбыз.
Еске сала кетейік, Неймар "Аль-Хиляль" құрамына осы жазда қосылған болатын. Бразилиялық жұлдыз саударабиялық клубпен 2025 жылға дейін келісімшартқа отырды. Неймар "Аль-Хиляль" үшін екі матч өткізіп, екі нәтижелі пас берді.
Мақаланың түпнұсқасы: https://kaz.nur.kz/sport/football/2037237-aigili-neimar-saud-arabiyasynda-zaulim-sarai-salyp-zatyr-foto/
