Тоқаев ұлттық құрама футболшыларын "Ерен еңбегі үшін" төсбелгісімен марапаттады
Опубликовано:
Республика күні қарсаңында президент жарлығымен бір топ азамат мемлекеттік наградалармен марапатталды. Олардың арасында елімізге танымал футболшылар мен спорт шебері бар, деп хабарлайды KAZ.NUR.KZ Ақорданың ресми сайтына сілтеме жасап.
Республика күні қарсаңында футболдан Қазақстан ұлттық құрамасының ойыншылары Асхат Тағыберген, Бахтиер Зайнутдинов пен Максим Самородов Қасым-Жомарт Тоқаевтың жарлығымен "Ерен еңбегі үшін" медаліне лайық деп танылды.
Сондай-ақ еркін күрестен еңбек сіңірген спорт шебері Ислам Байрамұқов ІІІ дәрежелі "Барыс" орденімен марапатталды.
Айта кетейік, 17 қазанда футболдан Қазақстан ұлттық құрамасы ЕУРО-2024 іріктеу кезеңінде сырт алаңда Финляндия командасымен кездесті. Тартысты матчта отандастарымыз камбэк жасап (1:2), тарихи жеңіске жетті. Ұлттық құрама сапынан екі голды да Бахтиер Зайнутдинов салды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2042306-toqaev-ulttyq-qurama-futbolsylaryn-eren-enbegi-usin-tosbelgisimen-marapattady/