УЕФА Қазақстан құрамасының жартылай қорғаушысы Ислам Чесноковтың голын Еуро-2024 іріктеу турындағы үздік голдар атағына үміткерлер қатарына қосты, деп хабарлайды KAZ.NUR.KZ.
Ұйымның ресми сайты номинация бойынша Еуропа чемпионатының іріктеу турнирінің қарашадағы матчтарының төрт голын ұсынды. Тізімге кірген Чесноковтың алғашқы голы Сан-Марино құрамасының қақпасына соғылған еді.
Еске салайық, бұл кездесуде футболшы дубль жасады, ал Қазақстан командасы 3:1 есебімен жеңіске жетті.
Сондай-ақ әзербайжандық Эмин Махмудов (Швецияның екінші голы), фин Даниэль Хокинстің голы (Солтүстік Ирландия) және француз Килиан Мбаппенің голы (Гибралтарға соққан үшінші гол) үздік гол авторы атағына үміткер.
Номинанттарға ашық дауыс беру УЕФА ресми сайтында өткізіледі. Еуро-2024 іріктеуінің қорытынды матчын Қазақстан құрамасы Словения құрамасымен сырт алаңда өткізеді. Кездесу 21 қарашада Астана уақыты бойынша сағат 01:45-те басталады.
Мақаланың түпнұсқасы: https://kaz.nur.kz/sport/football/2046541-cesnokovtyn-goly-euro-2024-irikteu-turynyn-uzdigi-nominaciyasyna-ilindi-video/
