Футболдан Қазақстан ұлттық құрамасының ойыншысы Ислам Чесноков Ресей Премьер-лигасында ойнайтын командаға ауысуы мүмкін. Бұл туралы KAZ.NUR.KZ meta-ratings.kz сайтына сілтеме жасап хабарлайды.
"Тобол" футбол клубының ойыншысы Ислам Чесноков Ресей Премьер-лигасында ойнайтын "Ахмат" ұжымына ауысуы мүмкін. Айта кетейік, Ислам 2023 жылдың қаңтар айында "Ахмат" клубының Түркияда өткен оқу-жаттығу жиынына қатысқан еді. Ал Чесноковтың қазіргі келісімшарты 2023 жылдың 31 желтоқсаны аяқталады.
meta-ratings.kz сайтының хабарлауынша, қазақстандық "Тобол" футбол клубы мықты ойыншыны жібергісі жоқ. Қостанайлық ұжым жартылай қорғаушыға жаңа келісімшарт ұсынып қойған екен.
Айта кетейік, Ислам Чесноков "Тобол" футбол клубы сапында 2023 жылғы Қазақстан кубогы иегері атанды. Астанада өткен финалдық кездесуде "Ордабасының" қақпасына гол салып, командасына жеңіс сыйлаған еді.
Еске салайық, 24 жастағы Ислам Чесноков Қазақстан Премьер-лигасының осы маусымында 34 матч өткізіп, 8 гол мен 4 ассист жасады. Transfermarkt порталы ойыншының нарықтағы құнын 400 мың еуроға бағалап отыр.
Мақаланың түпнұсқасы: https://kaz.nur.kz/sport/football/2047734-futbolsy-islam-cesnokov-reseilik-klubqa-auysuy-mumkin/
