"Қайрат" командасы РПЛ-дың қысқы кубогына қатысады. Халықаралық турнир 2024 жылдың ақпан айында Абу-Даби қаласында өтеді. Бұл туралы KAZ.NUR.KZ "Қайрат" футбол клубының Instagram-дағы ресми парақшасына сілтеме жасап хабарлайды.
Халықаралық турнирге Ресей Премьер лигасында ойнайтын мәскеулік "Спартак", "Ростов" командалары және "Шабаб Әл-Ахли" өнер көрсетеді. Дубайлық команда БАӘ-нің 7 дүркін чемпионы. Турнир ақпан айының басында өтеді. Төрт команда жеке дара кездеседі. Нәтижесінде ең жоғары ұпай иеленген команда турнир жеңімпазы атанады.
"Қайрат" футбол клубы Қазақстан Премьер лигасының өткен маусымында 4-орын иеленген еді. Ал аталмыш кубоктағы қазақстандық команданың алғашқы қарсыласы әзірге белгісіз.
РПЛ-да "Спартак" 5-орында келе жатса, "Ростов" 11-орында. "Шабаб Әль-Ахли" болса БАӘ-нің осы маусымдағы чемпионатында 2-орынында келе жатыр.
Айта кетейік, РПЛ Кубогы Абу-Дабидағы "Аль-Нахайян" алаңында өтеді.
Мақаланың түпнұсқасы: https://kaz.nur.kz/sport/football/2051839-qairat-spartak-zane-al-axli-futbol-klubtary-xalyqaralyq-turnirde-kezdesedi/
