Криштиану Роналдуға "Арсенал" футбол клубына ауыс деген ұсыныс жасалды (видео)

"Әл-Наср" клубының шабуылшысы Криштиану Роналду Эр-Риядта өткен бокс кешіне қатысты. Бұл туралы KAZ.NUR.KZ тілшісі хабарлайды.

"Әл-Наср" футбол клубының шабуылшысы Криштиану Роналду Сауд Арабияда өткен бокс кешіне келіп, жекпе-жектерді алдыңғы қатардан тамашалады. Ал оның жанында британдық бокс промоутері Френк Уоррен та болды.

Twitter әлеуметтік желісіне жарияланған видеода Уоррен Роналдуға меңзеп:

"Ол "Арсеналмен" келісімшартқа отырып жатыр", – деді әзілдеп. Португалдық футболшы оған күліп қана жауап қайтарды.

Еске салайық, 38 жастағы Роналду 2023 жылдың қаңтар айынан бастап "Әл-Наср" футбол клубында ойнайды. Сауд Арабиялық команда сапында 42 матч өткізіп, 35 гол соғып және 13 ассист жасады.

Мәтіннен қате тапсаңыз, бізге жазыңыз