Де Брюйне, Месси және Беллингем: 2023 жылдың үздік жартылай қорғаушысы кім

Халықаралық футбол тарихы және статистикасы федерациясы (IFFHS) 2023 жылдың үздік 10 плеймейкерінің тізімін жасады. Бұл туралы KAZ.NUR.KZ IFFHS ұйымының ресми сайтына сілтеме жасап хабарлайды.

Аталған тізімде "Манчестер Сити" футбол клубының капитаны Кевин де Брюйне 181 ұпаймен бірінші орында тұр. Ал екінші орынға аргентиналық футболшы Лионель Месси (100 ұпай) жайғасса, үшінші орын португалиялық ойыншы Бернарду Силваға (78 ұпай) бұйырған.

Cондай-ақ тізімге Джуд Беллингем ("Реал", 70), Мартин Эдегор ("Арсенал", 18), Джамал Мусиала ("Бавария", 17), Тони Кроос ("Реал", 15), Педри ("Барселона", 12), Федерико Вальверде ("Реал", 11) және Бруну Фернандеш ("Манчестер Юнайтед", 10) іліккен.

Бұған дейін IFFHS ұйымы 2023 жылдың үздік футболшысын анықтаған еді. Бұл атақты "Манчестер Сити" командасы мен Норвегия құрамасының шабуылшысы Эрлинг Холанд алған болатын.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз