"Қызыл-Жар" футбол клубы төрт ойыншысымен қоштасты
Опубликовано:
"Қызыл-Жар" футбол клубы жаңа маусымның басында бірден негізгі құрамның төрт ойыншысымен қоштасқанын айтты. Бұл туралы KAZ.NUR.KZ "Қызыл-Жар" командасының Instagram-дағы ресми парақшасына сілтеме жасап хабарлайды.
Футбол клубы әлеуметтік желіде 21 жасар жартылай қорғаушы Әлдайыр Әділов, 34 жасар Марат Шахметов пен 26 жасар шабуылшы Лука Имнадзе және 36 жасар қорғаушы Иван Граф командадан кететіні жайлы айтты.
"Рахмет, Әлдайыр Әділов, Марат Шахметов, Лука Имнадзе, Иван Граф! Ойыншылар командадан келісімшарттары аяқталуына байланысты кетті. Айта кету қажет, әрбір футболшы өткен маусымдағы жетістігімізге үлестерін қосты. Ойыншыларға алдағы уақытта тек қана сәттілік тілейміз", – деп жазды "Қызыл-Жар" Instagram-дағы ресми парақшасында.
Осыған дейін клубтан 8 ойыншы кеткен еді. Араларында Қазақстан ұлттық құрамасының жартылай қорғаушысы Еркін Талапов та бар.
Айта кетейік, Қазақстан Премьер лигасының өткен маусымында "Қызыл-Жар" 5-орын иеленген болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2054425-qyzyl-zar-futbol-kluby-tort-oiynsysymen-qostasty/