"Ахмат" футбол клубы қазақстандық ойыншы Марат Быстровпен қоштасты

Ресейлік "Ахмат" клубы қазақстандық футболшы Марат Быстровпен екіжақты мәміле бойынша келісімшартты бұзды. Бұл туралы KAZ.NUR.KZ "Ахмат" футбол клубының ВКонтакте-дегі ресми парақшасына сілтеме жасап хабарлайды.

Футболшы грозныйлық "Ахмат" командасында соңғы 4 маусым қатарынан ойнап, Қазақстан ұлттық құрамасына шақырту алған еді. Ал ұлттық команда сапында 80 матч өткізді.

"Ахмат" футбол клубы Vkontakte-дегі ресми парақшасында Марат Быстровқа алғыс білдіріп, жазба қалдырды:

"Маратқа командаға сіңірген еңбегі үшін алғыс білдіріп, үлкен табыстар мен сәттілік тілейміз".

Быстров футболшы мансабын 2014 жылы "Челябинск" футбол клубынан бастаған еді. Ал Қазақстан ұлттық құрамасында бапкер Михаил Билектің шақыртуымен 2019 жылы 21 ақпанда Молдова ұлттық құрамасына қарсы Антальяда өткен жолдастық матчта дебют жасаған. Қазақстандық ойыншы осыған дейін "Ордабасы", "Тобыл", "Тамбов" командаларында да өнер көрсеткен.

Мәтіннен қате тапсаңыз, бізге жазыңыз