"Астана" футбол клубының бұрынғы ойыншысы шетелдік командамен келісімшарт жасасты

"Астана" құрамасының бұрынғы шабуылшысы Рангело Янга кипрлік "НЕА Саламина" командасына ауысты. Бұл туралы KAZ.NUR.KZ "НЕА Саламина" футбол клубының баспасөз қызметіне сілтеме жасап хабарлайды.

Рангело "Астана" ұжымында 2018-2019 жылдары ойнаған. Команда сапында жүріп 64 матч өткізіп, 11 гол мен 4 нәтижелі паспен көзге түсті.

Футболшы Кипр жұртшылығына лимасолдық "Аполлон" құрамасында өнер көрсетіп танылды. "Апаллон" футбол клубы ішкі чемпионатты жеңіп алған еді. Сондай-ақ "ЧФР Клуж", "Эксельсиор", "Гент", "Бней Сахнин" командаларында да өнер көрсеткен. Кюрасао ұлттық құрамасында 35 матч өткізіп, 17 гол соқты.

Айта кетейік, Рангело Янга "Астана" футбол клубының сапында Қазақстан Премьер лигасының жүлделі орын иегері атанған еді.

Мәтіннен қате тапсаңыз, бізге жазыңыз