Семейлік "Елімай" футбол клубы босниялық қорғаушы Иван Сараваньямен келісімшартқа отырмақ. Бұл туралы KAZ.NUR.KZ Meta-ratings.kz сайтына сілтеме жасап хабарлайды.
Иван Сараванья семейлік "Елімайға" босниялық "Широги Бриег" клубынан ауысып келеді. 27 жастағы футболшы австриялық "Адмира" және "Аустрия Клагенфурт" клубтарында, сондай-ақ кипрлік "Акритас" командасында ойнаған. Ол Босния мен Герцеговина Премьер-лигасының ағымдағы маусымында 16 матч өткізді.
Бұған дейін "Елімай" клубы Дмитрий Яшин, Сергей Кейлер және Николай Золотов сынды 3 шабуылшыны команда сапына қосқан еді.
Айта кетейік, семейлік команда 11 ақпанда мәскеулік "Динамо" клубымен жолдастық матч өткізеді. Аталмыш кездесу оқу-жаттығу жиындары аясында Түркияның Белек қаласында болады.
Мақаланың түпнұсқасы: https://kaz.nur.kz/sport/football/2055484-elimai-futbol-kluby-bosniyalyq-oiynsyny-catyp-alady/
