Футзалшы Біржан Оразовтың Германияға қандай себеппен кеткені белгілі болды (фото)

Футзалдан алматылық "Қайрат" пен Қазақстан ұлттық құрамасының ойыншысы Біржан Оразовтың тізесіне Германияның Мюнхен қаласында ота жасалды. Бұл туралы KAZ.NUR.KZ Біржан Оразовтың Instagram-дағы ресми парақшасына сілтеме жасап хабарлайды.

Футзалшы өзінің Instagram-дағы ресми парақшасында Мюнхендегі ауруханада жатқан фотосын жүктеді.

"Операция сәтті өтті, Альхамдулиллах. Енді реабилитация, ИншАллах талай жеңіс алда", – деп жазды Біржан Оразов.

Посмотреть эту публикацию в Instagram

Публикация от Instagram

Айта кетейік, Біржан 2013-2016 жылдар аралығында "Ұшқын-Искра" футзал командасында ойнаған. Кейін астаналық "Сайран" ұжымында да өнер көрсетті. Алдыңғы команданың қаржылық қиындықтарға тап болып, жабылып қалуына байланысты талдықорғандық "Жетісуге" ауысқан. 29 жастағы футзалшы алматылық "Қайрат" командасында 2017 жылдан бері өнер көрсетеді.

Еске салайық, 2022 жылы Нидерландта өткен Еуропа чемпионатында үздік сұрмерген атанған еді. Дүбірлі додада жеті гол салып, көрермен ықыласына бөленген болатын.

Мәтіннен қате тапсаңыз, бізге жазыңыз