Шымкенттік "Ордабасы" футбол клубының президенті қызметінен босатылуы мүмкін. Бұл туралы KAZ.NUR.KZ meta-ratings.kz порталының ресми сайтына сілтеме жасап хабарлайды.
"Ордабасы" президенті Бауыржан Әбдубайытов қызметінен кетуі мүмкін. Оның орнына команданың бұрынғы спорт директоры Бағлан Ергешев келеді. Шымкенттік клуб Ергешевтің кезінде ел Кубогы мен Суперкубок жеңіп алған еді.
Ергешев Бағлан "Астана" футбол клубының атқарушы директоры қызметінде болған. Ергешев "Ордабасы", "Оқжетпес", "Атырау" және "Қайрат" футбол клубтарында, сондай-ақ Қазақстан футбол федерациясында және Қазақстанның кәсіби футбол лигасында басшылық қызметтерде жұмыс істеді.
Айта кетейік, "Ордабасы" командасы мен қостанайлық "Тобыл" арасындағы ел Суперкубогы үшін өткізілетін матч осы жылдың ақпан айының соңында немесе наурыз айының басында болуы мүмкін деп жоспарланып отыр.
Мақаланың түпнұсқасы: https://kaz.nur.kz/sport/football/2056219-ordabasy-futbol-klubynyn-prezidenti-qyzmetinen-ketui-mumkin/
