"Мен ең мықты футболшымын": Әлішер Келгенбай "Астана" сапындағы алғашқы жаттығуын өткізді
Опубликовано:
Астана" футбол клубымен келісімшартқа отырған блогер және медиа-ойыншы Әлішер Келгенбай елордалық командадағы әріптестерімен танысып, жаттығуға қатысты. Бұл туралы KAZ.NUR.KZ Әлішер Келгенбайдың Instagram-дағы ресми парақшасына сілтеме жасап хабарлайды.
Әлішер Келгенбай "Астана" командасының ойыншыларына өзін таныстырды.
"Ассалаумағалейкум, жігіттер! Есімім – Әлішер, қазақ футбол блогерімін. Оқырмандарым үшін мен ең мықты футболшымын. Бірақ "Астана" футбол клубының ойыншыларымен танысып, менен де мықты футболшылар бар екенін көрсетуіміз керек. Бірге жаттығу жасап, чемпиондыққа жетейік. Қазақстанның ең сүйікті командасына айналайық", – деді Әлішер.
Еске салайық, Әлішер Келгенбай "Астана" футбол клубымен 6 айға келісімшарт жасасқан еді. 28 жастағы ойыншы тұңғыш рет кәсіпқой футболда бақ сынамақ. Ол жақында футболдан әуесқойлар арасындағы AFL сup халықаралық жарысында Қазақстан құрамасының сапында ойнап, чемпион атанған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2069310-men-en-myqty-futbolsymyn-aliser-kelgenbai-astana-sapyndagy-algasqy-zattyguyn-otkizdi/