Чемпиондар лигасының жартылай финалында ойнайтын жұптар анықталды

Футболдан Чемпиондар лигасының жартылай финалына өткен барлық команда белгілі болды. Бұл туралы KAZ.NUR.KZ тілшісі хабарлайды.

Кеше, 17 сәуірде Чемпиондар лигасының ширек финалының соңғы матчы өтті. Испаниялық "Реал Мадрид" футбол клубы англиялық "Манчестер Ситиден" пенальти сериясында басым түсіп, жеңіске жетті.

Осылайша, жартылай финалға төрт команда жолдама алды. Олар: "Боруссия", "Бавария", "ПСЖ" және "Реал Мадрид". Жеребе бойынша бұл командалар 1/2 финалда төмендегідей жұп құрады:

• "Боруссия" – "ПСЖ";
• "Бавария" – "Реал Мадрид".

Жартылай финалдың алғашқы ойындары 30 сәуір мен 1 мамырда өтсе, қарымта матчтар 7-8 мамырда болады.

Айта кетейік, Чемпиондар лигасының финалы 1 маусымда Лондондағы (Ұлыбритания) "Уэмбли" cтадионында өтеді.

Мәтіннен қате тапсаңыз, бізге жазыңыз