"Қайрат" футбол клубы Премьер лигадағы төрелікке шағымданды
Опубликовано:
Алматылық "Қайрат" футбол клубы Қазақстан Премьер лигасының 7-туры аясында өткен матчтағы төрелік сапасына наразылығын білдірді. Бұл туралы KAZ.NUR.KZ "Қайрат" командасының Instagram желісіндегі ресми парақшасына сілтеме жасап хабарлайды.
4 мамырда "Қайрат" өз алаңында "Атырауды" қабылдаған еді. Бұл ойында 1:0 есебімен алматылық команда жеңіске жетті.
"Қайрат" футбол клубы 2024 жылғы 4 мамырда "Атырау" футбол клубына қарсы өткен Премьер-лиганың 7-турындағы матчтағы төрелік сапасына алаңдайды. Осыған байланысты Қазақстан футбол федерациясына осы оқиғаны объективті тексеруді талап етіп, ресми шағым жіберілді. ҚФФ бұл мәселені тез арада қарап, тиісті шара қабылдайды деп күтеміз", - делінген "Қайрат" командасының Instagram желісіндегі жазбасында.
Еске салайық, "Қайрат" футбол клубы негізгі командасының бас бапкері Кирилл Кекер қызметінен кеткен еді. Қазір алматылық ұжым Қазақстан Премьер лигасының турнир кестесінде 11 ұпаймен 5-орында тұр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2097083-qairat-futbol-kluby-premer-ligadagy-torelikke-shagymdandy/