Футболдан Қазақстан ұлттық құрамасы маусым айында жолдастық кездесу өткізеді. Бұл туралы KAZ.NUR.KZ тілшісі хабарлайды.
Қазақстан ұлттық құрамасы 11 маусым күні Әзербайжан құрамасымен жолдастық матч өткізеді. Аталмыш ойын Мажарстанда, Сомбатхей қаласының "Халадаш" стадионында болады деп жоспарланды. Матчтың басталу уақыты Астана уақытымен 21:00-де.
Еске салайық, халықаралық футбол федерациясы (FIFA) ұлттық құрамалардың рейтингін жаңартқан еді. Аргентина құрамасы рейтингтегі 1-орнын сақтап қалды. Екінші сатыда Франция, 3-орында Бельгия командалары тұр. Ал Қазақстан құрамасы үш саты төмендеп, 103-орынға жайғасқан. Ал маусымда кездесетін Әзербайжан құрамасы 112-орында тұр.
Айта кетейік, қазақстандық миллиардер Англиядағы футбол клубын сатып алған еді.
Мақаланың түпнұсқасы: https://kaz.nur.kz/sport/football/2097086-futboldan-qazaqstan-ulttyq-quramasynyng-kelesi-oiyny-qashan-otetini-belgili-boldy/
