Тәртіптік-бақылау комитеті футболдан Қазақстан Премьер лигасының 7-турына қатысты санкцияларды жариялады. Бұл туралы KAZ.NUR.KZ Қазақстан футбол федерациясының ресми сайтына сілтеме жасап хабарлайды.
Комитеттің шешімі бойынша, бірнеше футболшы жазаланатын болды. Қазақстан құрамасы мен "Астана" футбол клубының жартылай қорғаушысы Исламбек Қуат "Ақтөбеге" қарсы матчта қызыл қағаз алған еді. Ол алдағы екі матчтан шеттетілді.
Қостанайлық "Тобылдың" футболшысы Ермек Абдулла талдықорғандық "Жетісуға" қарсы матч кезінде алаңға бөтелке лақтырғаны үшін алдағы екі матчқа қатыстырылмайтын болды.
Бес матчтық дисквалификацияны "Атырау" қорғаушысы Матеус Барбоса алды. Бразилиялық ойыншы алматылық "Қайратқа" қарсы ойындағы дөрекілігі үшін жазаланды.
Барлық жеке санкциялардың мерзімі 4 мамырдан бастап есептеледі.
Еске салайық, "Қайрат" футбол клубы Қазақстан Премьер лигасының 7-туры аясында өткен матчтағы төрелік сапасына наразылығын білдірген еді.
Мақаланың түпнұсқасы: https://kaz.nur.kz/sport/football/2099753-futboldan-qazaqstan-quramasynyng-oiynshysy-diskvalifikatsiia-alyp-qaldy/
